Description
Viu Manent er eitt af þeim vínhúsum sem hvað lengst hafa starfað í Colchagua-dalnum. Það var stofnað á fyrri hluta síðustu aldar af fjölskyldu sem flutt hafði til Chile frá Katalóníu og hóf víngerð með því að kaupa þrúgur frá ræktendum í Colchagua. Fyrir rúmri hálfri öld keypti fjölskyldan búgarðinn sem hún hafði fengið þrúgur frá og á vínhúsið nú um 260 hektara af vínekrum í Colchagua.
Gran Reserva Cabernet Sauvignon, er klassískt og vel gert rauðvín, gert úr þrúgum af San Carlos-vínekrunni, rétt við vínhús Viu Manent, dökkrautt á lit, sólber, krækiber í nefi ásamt mildri myntu og eik, ágætlega strúktúrerað, þétt og fín tannín, fín lengd með fínum, svölum ferskleika.
